FK Vang - Ø.Slidre: 2-4 (0-0)

PUBLISERT 30. april 2025

Tveit stadion kunstgras 30.april, kl. 19.30.
Dommer: Morten Huset, Aurdal Leira IL.
Speaker: Vidar Eltun.
Kampvert: Kjell Otto Framstad.
Publikum: ca 80 stk.

Tap i seriepremiera i kveld desverre, men det var kamp om poenga til siste minutt av kampen.
FK Vang hadde ingen stor 1. omgang, men laget fungerte mykje bedre etter pausa.

Øystre Slidre stilte med eit rutinert og godt lag, men skulle hatt ein tidlegare FK Vang spelar utvist etter eit regelrett overfall med vilje og kraft på Tobias Kassel med ballen langt frå begge to. Rett og slett uforståeleg at dommaren gjer kun gult kort i den situsasjonen.

Resultatet var 0-0 etter dei fyrste 45 minutta, begge lag hadde 2 cornera og nokre sjanser.Største sjansa hadde kanskje Adrian Kvale som kom seg fri og avslutta rett på keeperen.
I pausa heva Terje røsta og krevde meir innsats og tæl frå heimelgaet. Det var for stor avstand mellom lagdelene og null press på ballfører defensivt.
Dette bedra seg stort etter pause og kampen sto og vippa. 
Øystre Slidre får det første målet når timen er gått, me rotar det til i dei bakre rekker og dei puttar ballen i nota. Etter dette er FK Vang frampå og Adrian er i ein situasjon som bør gje straffe, men den gang ei.
0-2 i sekken kjem i det 66. minutt, eit innlegg frå høgre sida går over alle våre i forsvaret og til ein umarkert mann på bakre som scorar sikkert. 
FK Vang har fortsatt tru på poeng og kjører på. Dagens mann i heimelaget Tobias Kassel reduserer i det 75. minutt. Scoringa kjem etter eit gjennomløp og ein susar til høgre for keeper.
Kampen vipper igjen, heimelaget presser på men får ikkje uttelling.
Øystre Slidre derimot scorar på ei kontring og går opp i 1-3 i det 82 minutt.
I det 90. minutt får FK Vang corner frå vår høgre side, Simen Lyngstad sler perfekt inn og Kasper Kjeldsen scorer like perfekt med pannebrasken.
Poengdeling i sikte for FK Vang og sjansene har vi, men som så ofte skjer når eit lag blir for offensivt kontrer gjestene inn sitt 4. mål i det 92. minutt. Dommaren avslutter kampen etter dette.

Alt i alt ein spennande og god 2. omgang med 6 mål. 
FK Vang har mange nye i troppen og også mange unge og lovande spelara, med meir treninger i sammen kan dette kun bli bedre.

Laget:
Magnus, Tobias LP, Kasper, Markus, Eirik, Emran, Hani, Simen, Jan Magne, Tobias, Erik, Adrian, Sebastian, Martin og Haakon.

Dagens FK Vang mann vart Tobias Kassel med kjempemargin, Kasper Kjeldsen kom på sølvplass og Markus Kjensrud og Simen Lyngstad delte 3. plassen.
Bra lagmoral og vilje og tæl for poengfangst utover i 2. omgang. Fint å sjå dei nye spelarane presterer bra.