Toten - FK Vang: 7-2 (2-2)

PUBLISERT 10. september 2016

Østre Toten kunstgressbane 9 september kl. 19.30
Dommar: Trond Nesset
Assistentar: Henrik Mathias Bjøraltlien og Finn Odvar Lebiko
Speaker: Ja
Publikum: ca 30 stk.

God 1. omgang av gjestene frå Valdres. FK Vang var kun 12 stk. til bortekampen i dag, 16 åringen Jan Magne Almenning debuterte med 11 er fotball og på A-laget i kveld. Jan Magne klarte seg meget godt, det blir spennande og sjå han framover.
Toten spelar bra fotball, dei har god bevegelse og bra passningskvalitet og er vel alt i alt det beste laget i årets avdeling synest vi, sjølv om dei har gått på nokre stygge smeller.

Heimelaget scora det fyrste målet etter kun 5 minutt, dette skjer etter ei upressa avsluttning frå ca 18 meter. FK Vang er godt med, vår offensive lagdel gjer det vanskeleg for Toten sitt forsvar ved fleire anledningar. Det er gått 12 minutt då Åsmund Bakkene scorar elegant etter assist frå Vegard Kjøs Egge. Utligning og stillingskrig framover, Toten har ein del cornera utan at det blir særlig farlig av den grunn. Halvegs ut i omgangen går heimelaget opp i 2-1, målet er litt for mykje einmannshow utan skikkelig press frå vår side.
FK Vang er bra med fortsatt og gjer Totningane kamp, utligninga kjem i det 31. minutt. Åsmund Bakkene har assisten på eit bra gjennomløp av Vegard Kjøs Egge, åleine mot keeper gjer han ingen feil og scorar sikkert. FK Vang har ei meget god sjanse til like etter dette, også denne gongen åleine mot keeper, men utan nettkjenning dessverre.
Ein god 1. omgang av gjestene og god tru i pausa.
2. omgang starter bra, vi er med. Meget billig straffe til Toten etter 11 minutt er med på å snu kampen til vertene sin fordel. FK Vang opptrer mindre som eit lag etter dette og Toten får det for enkelt og puttar etter 67, 74, 80 og 85 før dommaren bles for full tid.
FK Vang sto bra på og var bra med med tanke på 6 endringar i startelleveren frå forrige kamp.

Laget: Jarle, Sverre, Kasper, Erik, Eirik, Audun, Kim B, Øyvind, Morten, Vegard K E, Åsmund og Jan Magne.      

Åsmund Bakkene vart kåra til dagens mann på FK Vang, Åsmund var meget vanskelig å hanskes med for Toten sitt forsvar i kveld og viser sin klasse. Kasper Kjeldsen blir kåra til nummer to, Kasper styrer forsvaret godt og trør til når det må til. Øyvind Kjøs Egge og Erik Martinsen Dalåker deler tredje plassen, begge leverer ein god kamp og viser kva som må til på dette nivået.

Trening måndag kl. 19.30 på Tveit.