Lillehammer 2 - FK Vang: 3-4 (1-2)

PUBLISERT 17. september 2017

Stampesletta kunstgras søndag 17 september kl. 15.00.
Dommar: Terje Klungsøyr.
Assistentar: Roar Steinslien og Ole Lagesen.
Dommerveileder: Lene Vollan, Lillehammer KFK?
Pulikum: ca 20 stk

Herlig med tre poeng med på heimturen over Torpaåsen i kveldinga.
Kampen var spennande og jamn frå start til slutt, gjestene scora fire mål på burtebane og det var nok til at Lillehammer 2 fekk bank på Stampesletta.
Heile kampen vart filma på meget proff måte av film og regi studentar på høgskula i OL byen, FK Vang får kanskje filmen tilsendt um skuleleiinga tillet det.
FK Vang har nå hausta like mange poeng på burtebane som på heimebane på Tveit i år.  

Kampen starta bra for FK Vang som gjekk opp i leiing etter kun 5 minutt, Vegard Kjøs Egge vant ein duell med hodet og Åsmund Bakkene omsette denne rett i nota. Stillinga sto seg til nesten halvtimen då Lillehammer kom forbi på venstrevingen og innlegget vart sklidd inn, dermed var me like langt. Kampen bølga fram og tilbake og heimelaget hadde fleire gode cornera i perioda som vart avverga av eit godt kjempande gjestelag.
Sju minutt før pause scorar Mats Veisene sitt fyrste mål for klubben på nydeleg vis, dette etter eit gjennomspel frå Åsmund Bakkene.

Pausa kjem og Valdreslaget er godt nøgd med leiing og uttelling på sjansene sine, me har også fokus på ein god start dei siste 45 minutta.

Dommaren bles kampen igang og det går vel kun 1 minutt før Lillehammer sin unge og meget gode venstreving kjem rundt og får slått innlegg som endar i scoring. Passivitet frå FK Vang fører til denne sjansa og scoringa. Ein skikkelig kalddusj får me etter kvarteret ut i andre omgangen når heimelaget går opp i leiing 3-2, same venstrevingen går innover og set ballen over Jarle i gjesteburet.
FK Vang justerar litt på laget og halvvegs i omgangen scorar Åsmund Bakkene sitt andre mål i kampen på nydelig vis då han lurer forsvararen til heimelaget trill rundt og set ballen utagbart forbi keeperen. Magnus Kjøs hadde assisten på denne scoringa, assist nummer to frå Magnus kjem 8 minutt seinare når han spelar fram Vegard kjøs Egge som scorar vinnarmålet i kampen.
Gjestene står godt i mot siste kvarteret, all ære til dei 12 Valdresane som stilte opp denne kampen. Mange takk til Henrik Gjestvang som er med for andre gong i år, og seier vart det Henrik, som bestilt.

Laget sto virkeleg på i dag, ei stor stjerne til alle 12. 
Dagens menn for FK Vang vart Åsmund Bakkene og Vegard Kjøs Egge, desse gutane sto for tre av måla og to av assistane. Henrik Gjestvang og Jarle Haugrud fekk sølvplassen og Magnus Kjøs vart kåra til nummer tre.

Laget: Jarle, Magnus, Ola, Kasper, Mats, Jan Magne, Henrik, Sander, Åsmund, Vemund, Vegard og Tore.

Trening i veka som kjem: tysdag og fredag kl. 19.30