Hedalen - FK Vang: 0-3 (0-0)

PUBLISERT 16. juni 2023

Hedalen stadion fredag 16. juni kl. 19.00.
Dommar: Frank Evertsen, Ø.Slidre IL.
Speaker: Ja. 
Publikum: ca 50 stk.

Hedalen parkerte bussen, eller lå dypt med laget og beina unna alt som kom. Heimelaget hadde også dei 2 fyrste sjansene tidleg i kampen, men etter det var det stopp.
Andris Løken Helle var igjen uheldig og fekk kneet ut av ledd. ambulanse vart rekvirert frå Bagn, så ventetid vart det for Andris som vart frakta ut på sidelinja med store smerter. Kneet smatt heldigvis på plass att av seg sjølv når me skulle snu litt på han for at han skulle sjå på kampen der han låg. Mange takk for god hjelp frå Hedalen i situasjonen, og særleg Ola Jonny Fossholt. Alt dette skjedde før kampuret viste 10 minutt av kampen. 

Situasjonen med Andris såg ut til å prege FK Vang resten av omgangen, men me var det laget som skapte noko og 4 sjanser og 7 cornera er notert. Avsluttningane før pause var heller dårlige og vart klarert av keeperen eller gjekk utanfor mål.
Fint at Vemund Syversrud tok turen over til Hedalen frå Nesbyen denne kampen, han kom inn når Andris vart skada og var fult på høgde med det han var for oss for nokre sesongar sidan. Takker og bukker Vemund!

I pausa var me vel enige om at laget kunne vise seg frå ei bedre side, og slik gjekk det sjølv om fyrste målet ikkje kom før etter 37 minutt av omgangen. Før dette hadde FK Vang mange sjanser og cornera og størst sjanse var vel straffemissen 10 minutt ut i omgangen.
Gjesten trilla ball og var klart best, men måla sat langt inne før dagens mann Kasper Kjeldsen prikka inn leiing i det 80. minutt, Tobias Kassel har assisten. Samme Tobias har også assisten til mål nummer to som Jan Magne Almenning dundrar inn i nota.
Mål nummer tre kjem på overtid, Tobias blir felt på gjennomløp av bakerste mann som får sitt andre gule og dermed raudt kort. Ein annen Hedøl kjefter på seg direkte raudt i samme situasjon og som ikkje det er nok scorar den godeste Åsmund Bakkene på frisparket som går rett i maskene. Mykje og lære av den situasjonen, 2 raude kort og mål i mot svir.
  
FK Vang er ikkje heilt der me ynskjer, men vinn kampen klart og meget fortjent til slutt.
God bedring Andris, håper du snart er tilbake.

Laget:
Kjell Magne, Emran, Kasper, Markus, Olav, Jan Magne, Åsmund, Andris, Kabid, Tobias, Kai Arne, Vemund, Eivind og Sebastian  

Dagens mann vart Kasper Kjeldsen med god margin, Markus Kjensrud og Jan Magne Almenning deler andre plassen og Tobias Kassel og Åsmund Bakkene deler 3. plassen.