Bagn - FK Vang: 3-2 (0-1)

PUBLISERT 25. august 2023

Fossevang Stadion kunstgress 25.08.23 kl. 19.30.
Dommer: Arvid Holmlund, Lunner FK.
Speaker: Ja.
Publikum: ca. 60 stk.

FK Vang var det beste laget før pause og leda fortjent 0-1, men Begningene sto på i 90 minutt og drog det lengste strået 3 minutt før full tid.

Kampen var jamn og intensiv og begge laga hadde gode perioder der motstanderen vart pressa.
Målet før pause var av høg kvalitet, Eivind Bakkene er nettopp kommet inn då han kjem rundt på vår venstreside og sler ballen nydeleg inn til Tobias Kassel som set ballen kontant i nettmaskene.
FK Vang starta kampen bra, men vart nekta av eit godt Bagn forsvar/keeper til å koma til dei store sjansene. Åsmund Bakkene hadde eit godt frispark frå 25 meter som gjekk like til side for målet. Målet vårt kom i det 38. minutt og følelsen av kampen var god i pausa.

Andre omgang starta med stillingskrig, begge laga hadde sine perioder men måla lot vente på seg. Bagn utligner etter eit frispark som blir slått inn i feltet der ein begning kjem inn og får lykketreff rett i nota, kampuret viser nå 71 minutt.
FK Vang går opp i ledelse igjen i det 74. minutt. Eivind Bakkene kjem seg på finurlig vis igjennom på vår venstreside og heilt ned til mållinja der han sler ballen inn i feltet, Kai Arne Kvale får sitt fyrste mål i år når han finn åpningen til nettmaskene.
Like etter dette skal Tobias Kassel ha straffe, men dommeren som stort sett held seg i midtsirkelen avfeier situasjonen. Tobias blir klart felt og at det ikkje blir dømt straffe av Mr. Holmlund i situasjonen er uforståelig.
Begge lag er påskrudd og skaper halvsjanser, men Bagn utligner igjen etter gjennomløp i vårt forsvar, klokka viser nå 80 minutt.
Det er stort ønske i begge lag om å få den avgjerande scoringa. Bagn dreg det lengste strået i kampen då dei etter klabb og babb i vårt felt får ballen dømt inn og over målstreken til 3-2, og dette tre minutt før full tid. Målet kan absolutt diskuterast då dommaren utan linjemenn dømmer mål etter å stå 40 meter frå mållinja som ballen muligens kryssar med små marginer. 
Det blir 5. minutt tillegg og FK Vang har 2-3 cornera og fleire store sjanser dennne perioda, men det blir Bagn som vinn kampen etter god kjemping av begge lag.
FK Vang har 7 baklengs på våre to fyrste kampar i haust, fint at Kasper Kjeldsen er med dei neste.

Kveldens mann på ein regntung bane vart fortjent Tobias Kassel. Eivind Bakkene og Kai Arne Kvale deler andre plassen og Åsmund Bakkene inntek podiet med tredjeplassen i kåringa. 

Laget: Kjell Magne, Haakon, Emran, Christian, Markus, Olav, Jan Magne, Kim, Åsmund, Magnus, Tobias, Even, Kai Arne og Eivind.

Neste kamp: Ø.Slidre, fredag 1. september kl. 20.00 på Rogne stadion.
Trening mandag kl. 19.30.