Søndre Land 2 - FK Vang: 2-10(0-3)

PUBLISERT 24. mai 2014

Ringelia stadion laurdag 24 mai kl. 12.00.
Dommer: Kim Larsen Bjeglerud, Skreia IL.
Publikum: 17 stk.

Kampen mot Søndre Land 2 vart flytta til andre sida av Randsfjorden og Ringelia stadion på grunn av mykje regn kvelden før på Hov sida.
Dette var greit nok for gjestene, lengda er omtrent den samme. Litt dumt var det at S.Land ikkje ville bytte heime og borte tidlegare i vår i og med at dei får ny kunstgrasbane i løpet av summaren.
FK Vang var meget gode dei fyrste 45 minutta, og i starten av andre omgang og i slutten av kampen. Det var divisjonsforskjell på laga, men det vart tungt for alle spelarane utover i kampen på ei sugande og tung grasmatte.

Erik Martinsen opna scoringballet med 0-1 etter 8 minutt, Vegard K. Egge vart notert med assist. Samme Erik var også frampå igjen 7 minutt seinare og putta 0-2, keeper Jarle Haugrud hadde assisten. Erik Martinsen var til stadighet ein trussel og til trøbbel for S.Land sitt forsvar og det er eit lite under at stillinga holdt seg slik nesten ut omgangen, Erik burde kansje ha sentra eit par av forsøka åleine mot keeper men med medspelar på sida.
Eirik Presthegge og Kasper Kjedsen hadde teke turen frå Oslo til dagens kamp og fekk speletid i slutten av 1. omgang. Kasper er frampå og ordnar 0-3, Erik M får assisten.
FK Vang er meget godt fornøyd med prestasjonen dei fyrste 45 minutta.

Andre omgangen startar omtrent som fyrste, med FK Vang dominans frå fyrste stund.
Nokre store sjanser blir brendt, men etter 50 minutt sler Kim Bøland ein perfekt passning til dagens mann Henrik Gjestvang som avsluttar perfekt til side for keeper.
Kim Bøland spelar også fri Eirik Presthegge som scorar sikkert 6 minutt seinar. samme Eirik blir felt innanfor 16 meteren og dommaren bles korrekt straffe i det 58. minutt, Erik Sanne er FK Vang sin mann på straffer og scorar utagbart til venstre for keeper.
S.Land 2 får si eine scoring på laget sin andre sjanse i kampen etter 60 minutt. 
65 minutt av omgangen er gått når Kim Kveno puttar sitt og FK Vang sitt mål nr. 7.
Kampen roar seg litt etter dette og begge laga virkar litt kjørt på ein varm og trykkande maidag.
S.Land 2 får si andre scoring når uret syner 82 minutt.
Me bytter litt i laget og det blir ein meget bra slutt på kampen for vår del.
FK Vang scorar 3 mål på denne tida, Erik M i det 85. min., Henrik i det 87. min. og atter Erik i det 89. minutt. Kim Bøland står for sin assist nr. 4 og Sverre Melby får den siste assisten. 

Dagens mann blir Henrik Gjestvang, Henrik tilfører laget prat, ro og tæl og har vært meget god.
Krigaren Erik Martinsen blir kåra til den nest beste, Erik er eit angrep åleine og skapte mykje trøbbel for vertene i dag.
Kim Bøland kom også på pallen, Kim er vel den spelaren som har flest kampar for FK Vang og han skuffar aldri.
Takk for god innsats til alle dei 16 som tok turen i dag, alle fekk mykje speletid og alle er like viktige for at klubben presterer bra.

Laget: Jarle, Henning, Kai Arne S, Frank, Tore, Sverre, Henrik, Anders, Erik S, Vegard K, Erik M, Kim K, Kim B, Håvard, Kasper og Eirik.

Trening måndag kl. 19.30 på Tveit og heimekamp mot Dokka 2, torsdag 29 mai kl. 14.00