Slidre/Røn - FK Vang: 0-5 (0-3)

PUBLISERT 13. september 2025

Røn stadion lørdag 13. september kl. 15.00.
Dommar: Frank Evertsen, Ø.Slidre IL.
Speaker: Jan Tore Vik.
Publikum: Godt ever 100 stk.

Slidre/Røn fotballklubb hadde ei fin markering med 40. årsdag sidan klubben vart stifta.
Mykje folk og bra trøkk frå tribuna sjølv om gjestene frå Vang vant kampen i dag med god margin.
Grasbanen i Røn var regntung og saug krefter, noko som fordelte seg  rimeleg jamnt på begge lag.
FK Vang gratulerer Slidre/Røn FK med åremålet, forsterkingane i laget såg også bra ut. 
Tobias Kassel vart dagens mann på FK Vang med sine to mål og to assistar.

Kampen starta rimeleg bra for det gjestende laget. Kun 5 minutt sto det på kampuret til dommer Evertsen då fyrste scoringa kom.
Corner fra vår høgreside med Simen Lyngstad som går via hodet til Kristian Opdal til ei hedding frå Kasper Kjeldsen rett i nota.
Etter dette er det stillingskrig utan dei store sjansene til nokon av laga.
Neste scoringa kjem i det 31. minutt, Patrick Kvale blir felt innanfor 16. meteren og dommeren dømmer straffe. Tobias Kassel er straffeskytter og ballen går inn i kassa. Vi har vel sett bedre straffer frå Mr. Kassel, men mål er mål!
Fordelinga er omvendt på siste målet denne omgangen i det 41. minutt.
Tobias Kassel har assisten til Patrick Kvale som prikker inn scoringa til venstre for keeperen på heimelaget.
Slidre/Røn er notert med 1 stor sjanse, og tre cornera i løpet av omgangen.
FK Vang har god uttelling, men leder fortjent.

I pausa er me alle enige om at det er ting å rette på for gjestelaget, men litt vanskelig er det på det blaute underlaget.
Andre omgangen starter med stillingskrig, vertskapet har nokre bra muligheter men mål nei, det får dei ikkje. Magnus Lauvhaug står atter ein god kamp for FK Vang, ungguten presterer bra kamp etter kamp og er påskrudd i 95 minutt!
FK Vang har også sine muligheter, men slit meir med å få ballen forbi Slidre/Røn sin keeper denne omgangen,
FK Vang si fjerde scoring kjem i det 77. minutt. Midtstopper Markus Kjensrud ruser nedover på vår høgreside og sler perfekt innlegg til Tobias kassel som putter sikkert. Bra prestasjon den overgangen og scoringa.
Det femte målet til FK Vang er eit av kampens høgdepunkt etter 83 minutt. Corner frå vår høgreside som Tobias Kassel har kortpassning til Simen Lyngstad som bruker sin gode venstrefot. Simen kliner til frå skrå vinkel og ballen går med stor kraft inn i motsatt kryss! Meget god prestasjon og god kandidat til årets mål.

Alt i alt ein god kamp av FK Vang på ein tung og sleip bane i Røn.
Dagens mann i FK Vang vart Tobias Kassel, Tobias legg ned mange meter og er ein vanskelig terrier for motstanderen å passe på.
Kasper Kjeldsen tek ein fin andre plass i kåringa, Kasper er ein god mann å ha med seg i krigen. Robust og sterk i duellene og vinn mange av dei i dagens kamp.
Kristian Thunshelle Opdal tek tredjeplassen og er av samme kaliber som omtala Kasper.
Robust og sterk og meget god å ha på høge innlegg mot oss, som han stort sett vinn i lufta.
Ellers god kamp av heile gjengen, poeng i kåringa til alle mann seier sitt.

Takk til Kim Bøland og Marcus Hermundstad som stiller opp til dagens kamp, begge får 15-20 minutt og klarer seg veldig bra.
Kim må desverre ut i sluttminutta etter ein duell der skuldera får ein trøkk. Rapporten frå Kim nokre timer etter kampen lover godt, ikkje noko alvorlig heldigvis.

Laget: Magnus, Emran, Markus, Kristian, Eirik, Hani, Kasper, Jan Magne, Simen, Patrick, Tobias, Marcus og Kim.

Neste kamp heime på Tveit mot Fagernes fredag 19. september kl. 19.30, i nytt led flomlys på Tveit stadion kl. 19.30.