FK Vang - Vest Torpa/Torpa: 4-3 (3-0)

PUBLISERT 11. mai 2018

Tveit Stadion kunstgras fredag 11 mai kl. 19.30.
Dommar: Jan Erik Haugom.
Speaker: Vidar Eltun.
Publikum: Ca. 40 stk.

FK Vang vant fortjent og det vart vel aldri heilt spennande i og med at Vest Torpa scora sitt siste i siste sekund av kampen. Dommaren bles for full tid når vertane tok avsparket. FK Vang spelar ein god kamp igjen og har hatt ein framifrå start på sesongen, laget scorer mange mål og det er bra om ein skal vinne fotballkampar.

Fyrste omgang er også i kveld meget god av oss, me scorer fine mål og er gode over heile banen. Vest Torpa skapar også ein del, men me rydder bra opp både på sjansene og cornerane dei har.
Vegard Kjøs Egge har dei to fyrste assistane, den fyrste etter 17 minutt då Hadgu Haileab Gebreluul scorar sitt fyrste mål for FK Vang. Assist nummer to har Vegard til Eivind Bakkene som scorar sitt tredje i år etter ca halvtimen. Rollene er bytta når Vegard scorer sitt mål nummer to i år 5 minutt før pause. Omgangen er rimeleg fartsfylt til å væra i 6. divisjon og begge laga har mange gode spelara som får vist seg bra fram. Sander Eltun må ut til pause, men han har hatt ein meget god omgang.

Plana er å ligge kompakt og godt i den andre omgangen, dette lykkast berre delvis heile omgangen sett under eit. Me er gode i starten, men raknar litt mot slutten. Jan Magne Almenning scorar eit fint mål etter 60 minutt, assisten har den gamle ringreven Kai Arne Kvale som har mønstra FK Vang drakta igjen. Med 4-0 leiing føles det trygt, godt og solid over ein av favorittane i årets serie.
Vest Torpa får ei heilt unødvendig straffe i det 65 minutt og reduserer, dette gjer dei ny giv men me står rimeleg godt i mot. Dei scorar også kvarteret før full tid og resultatet ser ut som det blir 4-2. Den tredje scoringa kjem så sekunder før full tid og det blir 4-3 til FK Vang.
I tillegg til måla må det nevnas tre i stolpen frå FK Vang.  

Laget: Magnus, Sander, Ola, Mats, Anders, Jan Magne, Kasper, Kim B, Eivind, Hadgu, Vegard, Kai Arne K, Lasse og Saifullah.

Dagens mann vart atter Eivind Bakkene, han vinn 2 stjerner foran Ola Hilmen Hovi og Jan Magne Almenning som er ei stjerne bak der igjen. Meget bra av ungutane som tapeteserer pallen. Kasper Kjeldsen har også ein meget god kamp deffensivt på midtbanen.