FK Vang - Vest Torpa: 3-2 (1-1)

PUBLISERT 9. oktober 2016

Tveit stadion kunstgras, søndag 9 oktober kl.15.00
Dommar: Kristoffer Nitter Leirdal
Assistentar: Svein Erik Slåttsveen og Finn Odvar Lebiko
Speaker: Kjell Magne Kvale
Publikum: ca. 20 stk.

Fortjent seier til heimelaget i dag og godt med revansj frå våroppgjeret.
Fyrste omgangen var jamn med seks sjanser til begge lag og 3-2 i FK Vang favør i cornerstatistikken. 1-1 var det også til pause og omgangens og kanskje kampen sitt høgdepunkt var Thomas Hilmen si perle frå 52 meter som gjekk i fin boge, og strauk akkurat under tverrliggaren og akkurat over Torpakeeperen si rekkevidde.
Fleire av sjansene denne omgangen var meget store. og det er uflaks og litt udygtighet at det var berre 1 mål til kvart av laga.
Thomas si scoring kom etter 24 minutt og Torpa si i det 36. minutt.
I pausa var både presset og passningskvaliteten i FK Vang tema, dette kom seg stort den siste omgangen og 2. omg. var stort sett heimelaget sin frå start til slutt.
Vest Torpa har ein meget god angriper i Morten Enger, det er nesten han åleine som skapar dei to sjansene gjestene får denne omgangen. Åtte minutt ut i omgangen får han stussa eit langt oppspel over vår keeper og i mål. Det var komunikasjonsvansker i vårt forsvar som førte til denne. Simen Strandbråten utlignar tre minutt etter Vest Torpa si scoring, Olav Ulven har assisten. FK Vang er gode og skaper fleire sjanser, men får ikkje ballen over streken. Olav Ulven som kom inn ved pause viser målteft igjen og scorar det viktige tredjemålet etter klabb og babb i feltet etter ein corner, Kasper Kjeldsen får assisten.
Heimelaget pressar på for å trygge det heile, men lykkast ikkje sjølv om mange av sjansene og cornerane er gode. Corneren til Kim Kveno med innoverskru går i tverliggaren og ned, ballen sneiar leggskinnet til Øyvind men går desverre utanfor stolpen. Det er også eit meget godt frispark av Åsmund som Torpakeeperen mesterlig får sneia over. Morten Enger er nær utligning på slutten med Vest Torpa si andre sjanse denne omgangen som går i stolpen og ut. 
FK Vang sikrar sjølve 9. plassen på tabellen etter tre poeng i dag, Lunner, Søndre Land og Dokka SK er alle bak oss på tabellen.

Laget: Jarle, Sverre, Kasper, Thomas, Eirik, Vegard, Kim K, Øyvind, Morten, Åsmund, Simen, Olav, Audun og Jan Magne.

Kasper Kjeldsen, Åsmund Bakkene og Thomas Hilmen blir kåra til FK Vang sine beste i dag. Det er bilde av alle tre om du ser opp til høgre og les dette.
Olav Ulven og Jarle Haugrud kjem på sølvplass og Sverre Melby, Vegard Kjøs Egge og Kim Kveno får bronseplassen.
Heile 11 spelara får stjerner i dag, dette betyr god lagseier og at alle bidrar. 

FK Vang er det beste laget i Valdres med tanke på at me har berre Valdresspelara i laget,  denne sesongen har me hatt med spelara frå Vang, Vestre Slidre, Øystre Slidre, Nord Aurdal og Sør Aurdal i tillegg har me nokre spelara som har arbeid i Valdres. Det er ein artig og fin gjeng som kunne ha vore med høgt oppe med litt meir treningsvilje, heile 34  spelara har vore med i kampar denne sesongen og det er vel ikkje berre positivt.

Det kjem til å bli litt av eit haraball med tanke på fotballfesten kapteinane i laget skal arrangere litt utpå hausten.  

Det blir treningsfri fram til desember, då startar oppkjøringa mot Beitostølen Cup. FK Vang brukar å ha med to lag på denne turneringa.
Takk for ein bra sesong gutar!