Brumunddal 2- FK Vang: 5-1(2-0)

PUBLISERT 28. august 2016

SH-banen, Kunstgress søndag 28 august kl. 15.00
Dommer: Jan Ole Skinnehaugen
Assistentar: Endre Fremstad og Iver Oskar Økelsrud Skjerve
Publikum: ca 40 stk.

Keeperforfall på morgenkvisten på kampdagen vart ei lita nøtt for gjestene frå Valdres.
Ein småkadd Vegard Kjøs Egge som aldri har stått i mål tok på seg hanskene og klarte seg meget godt i dagens kamp. FK Vang var kun 11 stk., men var godt med i kampen inntil kreftene tok slutt 10 minutt før slutt.

Etter dei fyrste 45 minutta var Brumunddal i leiing med to mål, men omgangen var heilt jamn.
FK Vang hadde dei største sjansene denne perioda, men klarte ikkje å score sjølv med to gonger åleine mot vertane sin keeper.
Brumunddal scora sine 2 mål etter 7 og 41 minutt, begge scoringane etter innlegg frå si høgreside.
FK Vang var meget godt med denne omgangen og fokuset i pausa var å væra tolmodige i starten av andre omgang, sjansene ville koma også denne omgangen.
Sjansene kom som me hadde venta, men den fyrste kom til heimelaget som etter kun 4 min. litt for enkelt fekk gå opp i tremåls leiing.
FK Vang reduserte to minutt etter dette og kampen var litt åpen igjen. Simen Strandbråten fekk assisten på scoringa til Kim Kveno. Kampen bølga litt att og fram etter dette, men Brumunddal var vel det førande laget. Gjestene fekk nokre brudd og var på nippet til å koma gjennom men vart stoppa, me hadde også eit par cornera denne omgangen utan tellande resultat. Brumunddal kom meir og meir mot slutten då dei fekk innpå friske føtar. FK Vang på si side hadde ikkje så mange nye og ta av desverre og fekk to mål til i sekken dei siste 5 minutta.

All ære til dei som stiller opp på ein lang tur til bortekamp, dette er også ein kamp me kunne tatt poeng i med litt anderledes prioritering frå fleire av våre heimeverande karer.

Laget: Vegard, Sverre, Bjørn Tore, Tore, Eirik, Audun, Øyvind, Åsmund, Morten, Kim K og Simen.

Kim Kveno vart kåra til FK Vang sin beste, Kim scora vårt mål, han er teknisk med gode valg på midtbanen. Åsmund Bakkene og Tore Gjevre Haugen deler sølvplassen og Øyvind Kjøs Egge like bak desse igjen.

Trening i veka som kjem: Onsdag kl. 19.30