FK Vang - Nordre Land:: 2-5 (0-3)

PUBLISERT 18. september 2015

Tveit stadion kunstgras, fredag 18. september kl. 19.30
Dommar: Jan Ole Skinnehaugen
Assistentar: Nils Arne Solberg og Endre Fremstad
Speaker: Kjell Magne Kvale 
Publikum: ca 25 stk.

Nordre Land var gode fyrste omgangen mot eit heller tafatt heimelag.
Når 5 minutt var spelt av andre omgangen låg vertene under med heile 5 mål, og det såg mørkt ut. 
FK Vang heva seg kraftig etter dette og var det beste laget resten av kampen. 

Nordre Land hadde stor bevegelse i laget og fekk for store rom i fleire situasjoner dei fyrste 45 minutta. Dette førte også til ekte hat-trick for gjestenes gode avsluttar Leon Lynard, der måla kom etter 13, 23 og 38. minutt.
FK Vang var for dårlige i presset denne omgangen og gav bort for store rom.
Når det er sagt scora Nordre Land på halvparten av sjansene dei hadde, FK Vang på si side hadde 3 sjanser og 3 cornera denne omgangen utan uttelling.

Bedre i presset og ikkje pussletaklingar var fokuset i pausa.
Oppskrifta vart bra den, men ikkje i starten av 2. omgang.
Nordre Land fekk corner etter 3. minutt, ballen vart skrudd direkte i mål etter att vår keeper vart pakka inn. To minutt etter dette kom scoring nr. 2, men så var det slutt for gjestene som ikkje skapte særleg meir resten av kampen.
FK Vang fungerte mykje bedre og spelte seg til fleire småsjanser, me var mykje bedre i presset og gjestene gjorde feil som førte til at spelarane våre vant ballen høgt oppe i banen.
Kveldens finaste mål kom på årets flottaste scoring så langt for FK Vang i det 73. minutt.
Erik Martinsen blir spelt på feilvendt, han flikkar ballen tilside over midtstopparen til N. Land. Kim Kveno kjem på djupt løp og er fri mot N. Land sin tidlegare tippeligakeeper som blir lurt av den godeste Kim, stor prestasjon og nydeleg scoring.
FK Vang har fleire tilløp, men lykkast ikkje før det står att 4 minutt på kampuret. Frank Skoglund scorar etter klabb og babb etter ein corner, Vegard Kjøs Egge får assisten på denne.
Synd hemelaget ikkje er med i fyrste del av kampen, FK Vang med meir treningstimar samla kunne fort ha hevda seg i 4. divisjon i år.

Laget: Jarle, Håvard, Thomas, Frank, Tore, Sverre, Kim B, Øyvind, Vegard K E, Kim K, Erik, Kai Arne S, Kai Arne K og Henning.

Kim Kveno vart kåra til FK Vang sin beste i kveld, Kim er teknikkeren i laget og beviste dette med scoringa si i kveld. Slitaren Øyvind Kjøs Egge tek andre plassen i kveld mens fire stk deler siste pallplassen: Frank Skoglund, Jarle Haugrud, Thomas Hilmen og Kim Bøland.

Tre kampar igjen i årets serie, viktig att alle prioriterer desse.
Trening måndag kl. 19.30 på Tveit. Møt opp!!